Ուզո՞ւմ եք, որ տունն օրիգինալ ու գրավիչ տեսք ունենա: Ուրեմն տեղադրեք ոչ թե սովորական ուղղանկյուն, այլ կլոր պատուհաններ: Շենքն ավելի հետաքրքիր տեսք կունենա, կտարբերվի միանման տիպային շինություններից: Թեև պատրաստման բարդության հետ կապված՝ այսպիսի պատուհաններն ավելի թանկ արժեն, սակայն կլոր մետաղապլաստե պատուհանները ավելի ու ավելի տարածում են գտնում: Կլոր պատուհաններ տեղադրելու համար հարկավոր է դեռ շենքի նախագծման ժամանակ հաշվի առնել այդ հանգամանքը, քանի որ տեղադրումը բարդ է: Այսպիսի կոնստրուկցիաները թույլ են տալիս իրականացնել դիզայներական համարձակ նախագծեր:

Առանձնահատկությունները՝

• գեղագիտական հաճույք.
• անհատական չափսեր.
• հարդարման լայն ընտրություն:

Կլոր պատուհանների տեսակները

• Ամբողջական

Օվալաձև պատուհանների ամենատարածված ենթատեսակն է: Սրանք չեն բացվում օդափոխության համար և ավելի հաճախ պարզապես լրացնում են տիպային պատուհաններին:

•  Առանձին, կամարակալով

Օվալաձև ՊՎՔ պատուհանները հավասարաչափ առանձնացնող ձողը կոչվում է կամարակալ: Կեսերից մեկը բացվող փեղկ է՝ օդափոխության համար:

• Կիսաշրջանաձև

Այսպիսի պրոֆիլը հաճախ ոչ թե ֆունկցիոնալ, այլ դեկորատիվ տարր է: Փոքր չափսերի փեղկերը բացվում են, իսկ մեծերը սովորաբար խուլ են:

• Դուպլեքս

Չեն բացվում, ունեն զույգ ուղղահայաց կամարակալներ, որոնք շրջանակը բաժանում են չորս մասի: